Leland Sklar | |||
![]() Leland Sklar i 2017 | |||
Fødd | 28. mai 1947 (77 år)[1] | ||
---|---|---|---|
Fødestad | Milwaukee i Wisconsin i USA | ||
Fødenamn | Leland Bruce Sklar | ||
Opphav | Sør-California | ||
Aktiv | 1960-åra til i dag | ||
Sjanger | Rock, pop, country | ||
Instrument | Bassgitar, piano, vokal | ||
Tilknytte artistar | The Section, Jackson Browne, James Taylor, Warren Zevon, Phil Collins, Toto, Era | ||
Verka som | Singer-songwriter, bassist, filmmusikkomponist, studiomusikar |
Leland Bruce «Lee» Sklar (fødd 28. mai 1947 i Milwaukee) er ein amerikansk songar-låtskrivar og filmmusikkomponist. Han er ein kjend bassgitarist og har medverka til dusinvis av album som studiomusikar. Han har samarbeidd med mange kjende artistar og spelt på musikken til filmar og fjernsynsshow.
Sklar studerte musikk ved California State University, Northridge. Det var i denne tida han møtte James Taylor, som inviterte han til å spele bass på nokre konsertar. Dei trudde begge at arbeidet kom til å bli kortvarig, men etter at karrieren til Taylor tok av, vart han med på dei første platene, og Sklar vart kjend for musikkverda. Kort tid etter vart han beden med på andre innspelingar og han byrja å spare det lange skjegget han er kjend for.[2]